PM విశ్వకర్మ పథకం: ₹3 లక్షల వరకు పూచీకత్తు అవసరం లేని రుణం, ₹15,000 టూల్‌కిట్

ప్రధానమంత్రి విశ్వకర్మ యోజన – మీ నైపుణ్యానికి ప్రభుత్వ అండ!

సంప్రదాయ వృత్తిలో నైపుణ్యం కలిగిన వడ్రంగి, కమ్మరి, స్వర్ణకారుడు, కుమ్మరి, మేస్త్రీ, చెప్పుల తయారీదారు, టైలర్, మంగలి, చాకలి, బుట్టలు/చాపలు తయారు చేసేవారు వంటి కళాకారులకు , వృత్తిని మరింత అభివృద్ధి చేసుకోవడానికి PM Vishwakarma పథకం మంచి అవకాశం. ఈ పథకం ద్వారా అర్హులైన వారికి PM Vishwakarma సర్టిఫికెట్ & ID కార్డు, నైపుణ్య శిక్షణ, రోజుకు ₹500 వరకు శిక్షణ స్టైపెండ్, ₹15,000 వరకు టూల్‌కిట్ ప్రోత్సాహకం, ₹3 లక్షల వరకు కొలేటరల్-ఫ్రీ ( హామీ అక్కర లేని) రుణ సదుపాయం, డిజిటల్ లావాదేవీల ప్రోత్సాహకం మరియు మార్కెటింగ్ సహాయం అందించబడుతుంది.

ప్రధానమంత్రి విశ్వకర్మ యోజన -సంక్షిప్త సమాచారం

ప్రధానమంత్రి విశ్వకర్మ (PM Vishwakarma) పథకం సంప్రదాయ వృత్తుల్లో చేతిపనులు, పనిముట్లతో పనిచేసే కళాకారులు మరియు చేతివృత్తిదారులకు ఆర్థిక, శిక్షణ, ఆధునిక పనిముట్లు, మార్కెటింగ్ వంటి సమగ్ర సహాయం అందించడానికి కేంద్ర ప్రభుత్వం ప్రారంభించిన పథకం. ఈ పథకం 2023–24 నుంచి 2027–28 వరకు అమలు చేయడానికి ఆమోదించబడింది.

₹3 లక్షల వరకు రుణ సౌకర్యం

అర్హులైన విశ్వకర్మలకు పూచీకత్తు లేకుండా (Collateral-free) గరిష్ఠంగా ₹3 లక్షల వరకు వ్యాపార అభివృద్ధి రుణం అందించబడుతుంది .

ఈ పథకం రెండు దశల్లో ఉంటుంది:

• మొదటి దశ: రుణం ₹1 లక్ష వరకు — 18 నెలల కాలవ్యవధి
• రెండో దశ: రుణం ₹2 లక్షల వరకు — 30 నెలల కాలవ్యవధి
• లబ్ధిదారుడికి వడ్డీ రేటు 5%గా ఉంటుంది.
• కేంద్ర ప్రభుత్వం వడ్డీ రాయితీ (Interest Subvention) అందిస్తుంది.

రెండో దశ రుణానికి సాధారణంగా మొదటి రుణాన్ని సక్రమంగా తిరిగి చెల్లించడం, డిజిటల్ లావాదేవీలు చేయడం లేదా అధునాతన శిక్షణ పూర్తి చేయడం వంటి అర్హతలు ఉంటాయి.

₹15,000 వరకు టూల్‌కిట్ సహాయం

అర్హత కలిగిన లబ్ధిదారులకు ఆధునిక పనిముట్లు కొనుగోలు చేసేందుకు ₹15,000 వరకు టూల్‌కిట్ ప్రోత్సాహకం అందిస్తారు. ఇది e-voucher రూపంలో అందించబడుతుంది. )

ఉచిత నైపుణ్య శిక్షణ

లబ్ధిదారులకు:

• బేసిక్ ట్రైనింగ్: 5–7 రోజులు
• అడ్వాన్స్‌డ్ ట్రైనింగ్: 15 రోజులు లేదా అంతకంటే ఎక్కువ

అందిస్తారు.

శిక్షణ సమయంలో స్టైపెండ్:

శిక్షణ సమయంలో రోజుకు ₹500 స్టైపెండ్ అందుతుంది.

డిజిటల్ లావాదేవీలకు ప్రోత్సాహకం

అర్హత కలిగిన డిజిటల్ లావాదేవీలకు ఒక్కో లావాదేవీకి ₹1 చొప్పున ప్రోత్సాహకం లభిస్తుంది. నెలకు గరిష్ఠంగా 100 లావాదేవీల వరకు ఈ ప్రయోజనం పొందవచ్చు.

మార్కెటింగ్ సహాయం

విశ్వకర్మల ఉత్పత్తులకు విస్తృత మార్కెట్ కల్పించేందుకు ప్రభుత్వం:

• నాణ్యత ధృవీకరణ
• బ్రాండింగ్
• ప్రదర్శనలు, ట్రేడ్ ఫెయిర్లు
• ఈ-కామర్స్ ప్లాట్‌ఫారమ్‌ల అనుసంధానం
• ప్రకటనలు, ప్రచారం

వంటి సహాయాన్ని అందిస్తుంది.

ఎవరు అర్హులు?

18 సంవత్సరాలు లేదా అంతకంటే ఎక్కువ వయస్సు ఉన్న, చేతులు మరియు పనిముట్లతో సంప్రదాయ వృత్తి చేస్తున్న స్వయం ఉపాధి కళాకారులు/చేతివృత్తిదారులు అర్హులు. వారు పథకంలో పేర్కొన్న 18 సంప్రదాయ వృత్తుల్లో ఒకదానిలో పనిచేస్తూ ఉండాలి.

ప్రధాన వృత్తుల్లో:

వడ్రంగి, పడవ తయారీదారు, కమ్మరి, తాళాల తయారీదారు, స్వర్ణకారుడు, కుమ్మరి, శిల్పి, చెప్పుల తయారీదారు, మేస్త్రీ, బుట్ట/చాప/చీపురు తయారీదారు, బొమ్మల తయారీదారు, క్షౌరవృత్తిదారు, పూలమాలల తయారీదారు, చాకలి, దర్జీ, చేపల వల తయారీదారు తదితరులు ఉన్నారు.

ఎవరు అర్హులు కారు?

ప్రభుత్వ ఉద్యోగులు మరియు వారి కుటుంబ సభ్యులు ఈ పథకానికి అర్హులు కారు.

అలాగే గత ఐదేళ్లలో స్వయం ఉపాధి/వ్యాపార అభివృద్ధి కోసం కొన్ని ఇతర ప్రభుత్వ రుణ పథకాల కింద రుణం పొందిన వారికి నిబంధనలు వర్తిస్తాయి. ఒక కుటుంబం నుంచి సాధారణంగా ఒక్క సభ్యుడికే పథక ప్రయోజనాలు లభిస్తాయి.

ఎలా దరఖాస్తు చేసుకోవాలి?

ప్రస్తుతం అధికారిక ప్రక్రియ ప్రకారం సమీప Common Service Centre (CSC) ద్వారా నమోదు చేసుకోవచ్చు. ఆధార్, మొబైల్ నంబర్, బ్యాంక్ వివరాలు, రేషన్ కార్డు/కుటుంబ వివరాలు అవసరం కావచ్చు. దరఖాస్తు అనంతరం స్థానిక సంస్థ, జిల్లా మరియు స్క్రీనింగ్ కమిటీ స్థాయిల్లో ధృవీకరణ జరుగుతుంది.

ముఖ్యాంశాలు

పథకం: PM Vishwakarma
ప్రధాన ప్రయోజనం: సంప్రదాయ కళాకారులు, చేతివృత్తిదారులకు సమగ్ర సహాయం
రుణం: ₹3 లక్షల వరకు
రుణ విధానం: ₹1 లక్ష + ₹2 లక్షలు
వడ్డీ రేటు: 5%
టూల్‌కిట్ సహాయం: ₹15,000 వరకు
శిక్షణ: 5–7 రోజుల బేసిక్, 15 రోజులు లేదా అంతకంటే ఎక్కువ అడ్వాన్స్‌డ్
శిక్షణ స్టైపెండ్: రోజుకు ₹500
డిజిటల్ లావాదేవీ ప్రోత్సాహకం: ఒక్కో లావాదేవీకి ₹1, నెలకు 100 వరకు
కవరయ్యే సంప్రదాయ వృత్తులు: 18
అమలు కాలం: 2023–24 నుంచి 2027–28 వరకు.

PM విశ్వకర్మ అధికారిక వెబ్‌సైట్

PM Vishwakarma పథకానికి అధికారిక పోర్టల్:

PM Vishwakarma Official Portal /PM Vishwakarma :

ఇది MSME మంత్రిత్వ శాఖ ఆధ్వర్యంలోని అధికారిక పోర్టల్. 

ఎలా దరఖాస్తు చేయాలి?

ప్రస్తుతం PM Vishwakarma పథకానికి దరఖాస్తు నమోదు సమీపంలోని Common Service Centre (CSC) ద్వారా చేయాలి. CSCలో Aadhaar ఆధారిత బయోమెట్రిక్ ధృవీకరణతో నమోదు జరుగుతుంది.

దశ 1: మీకు సమీపంలోని CSC కేంద్రానికి వెళ్లండి.

దశ 2: PM Vishwakarma పథకంలో నమోదు చేయాలని CSC ఆపరేటర్‌కు చెప్పండి.

దశ 3: మీ Aadhaar ఆధారిత బయోమెట్రిక్ వెరిఫికేషన్ చేయించాలి.

దశ 4: మీ వివరాలతో ఆన్‌లైన్ అప్లికేషన్ ఫారం పూర్తి చేయాలి.

దశ 5: అవసరమైన వివరాలు/పత్రాలు సమర్పించాలి:

• Aadhaar
• Aadhaar-linked Mobile Number
• Bank Account Details
• Ration Card
  రేషన్ కార్డు లేకపోతే కుటుంబ సభ్యుల Aadhaar వివరాలు అవసరం కావచ్చు.

దశ 6: అప్లికేషన్ Submit చేసిన తర్వాత వచ్చే Application Numberను తప్పనిసరిగా భద్రపరుచుకోండి.

దరఖాస్తు తర్వాత ఏమవుతుంది?

అప్లికేషన్ మూడు దశల్లో పరిశీలించబడుతుంది:

1. గ్రామ పంచాయతీ / Urban Local Body స్థాయిలో అర్హత పరిశీలన
2. District Implementation Committee ద్వారా పరిశీలన, సిఫారసు
3. Screening Committee ద్వారా తుది ఆమోదం

ఆమోదం పొందిన తర్వాత PM Vishwakarma Digital Certificate మరియు ID Card జారీ చేయబడతాయి. తద్వారా శిక్షణ, ₹15,000 Toolkit Incentive, రాయితీ వడ్డీతో రుణం తదితర పథక ప్రయోజనాలకు అర్హత పొందవచ్చు.

PM విశ్వకర్మ పథకం కింద ఉన్న 18 వృత్తుల లిస్ట్

క్ర.సం.	వర్గం	వృత్తి	సంక్షిప్త వివరణ
1	కలప ఆధారిత	వడ్రంగి (సుతార్/బధాయి)	చెక్క వస్తువులు, ఫిక్చర్లు తయారు చేసే/మరమ్మతు చేసేవారు
2	కలప ఆధారిత	పడవల తయారీదారు	చెక్క పడవలను తయారు చేసే, మార్చే, మరమ్మతు చేసేవారు
3	ఇనుము/లోహం/రాయి	కవచకారుడు (ఆర్మరర్)	కత్తులు, డాళ్లు, శిరస్త్రాణాలు వంటి ఆయుధాలు తయారు చేసేవారు
4	ఇనుము/లోహం/రాయి	కమ్మరి (లోహార్)	ఇనుము, రాగి, ఇత్తడి, కంచు లోహాలను వేడి చేసి సుత్తితో కొట్టి వస్తువులు చేసేవారు
5	ఇనుము/లోహం/రాయి	సుత్తి & పనిముట్ల తయారీదారు	ఇనుముతో సుత్తులు, పనిముట్లు తయారు చేసేవారు
6	ఇనుము/లోహం/రాయి	తాళాల తయారీదారు	తాళాలను తయారు చేసి, బిగించి, మరమ్మతు చేసేవారు
7	ఇనుము/లోహం/రాయి	శిల్పి / రాతి చెక్కేవారు / రాళ్లు కొట్టేవారు	రాళ్లను చెక్కి కళాకృతులు రూపొందించేవారు
8	బంగారం/వెండి	స్వర్ణకారుడు (సోనార్)	బంగారం, వెండితో నగలు, ఆభరణాలు తయారు చేసేవారు
9	మట్టి ఆధారిత	కుమ్మరి (కుమ్హార్)	మట్టితో కుండలు తయారు చేసి బట్టీలో కాల్చేవారు
10	తోలు ఆధారిత	చెప్పులు కుట్టేవారు (చర్మకార్/మోచీ)	పాదరక్షలు తయారు చేసి, మరమ్మతు చేసేవారు
11	నిర్మాణ ఆధారిత	తాపీ మేస్త్రి (రాజ్మిస్త్రి)	ఇటుక కట్టడం, ప్లాస్టరింగ్, సిమెంట్ పనులు చేసేవారు
12	ఇతర	బుట్టలు/చాపలు/చీపుర్ల తయారీదారు, కొబ్బరి పీచు అల్లికదారు	వెదురు, కొబ్బరి పీచు, గడ్డితో బుట్టలు, చాపలు, చీపుర్లు తయారు చేసేవారు
13	ఇతర	బొమ్మలు & ఆట వస్తువుల తయారీదారు (సంప్రదాయ)	సంప్రదాయ పద్ధతిలో బొమ్మలు, ఆట వస్తువులు తయారు చేసేవారు
14	ఇతర	మంగలి (నాయీ)	క్షవరం, జుట్టు కత్తిరింపు వంటి సేవలు అందించేవారు
15	ఇతర	మాలాకారుడు (పూలమాలల తయారీదారు)	పూలమాలలు, పూల అలంకరణలు తయారు చేసేవారు
16	ఇతర	చాకలి (ధోబీ)	బట్టలు ఉతికి, ఇస్త్రీ చేసేవారు
17	ఇతర	దర్జీ (టైలర్)	బట్టలు కుట్టేవారు
18	ఇతర	చేపల వలల తయారీదారు	చేపలు పట్టే వలలను అల్లి తయారు చేసేవారు

అధికారిక పదజాలంతో పూర్తి వివరాలకు పథకం అధికారిక వెబ్‌సైట్ pmvishwakarma.gov.in చూడండి.

ప్రధానమంత్రి విశ్వకర్మ యోజన సమగ్ర సాచారం ఇక్కడ చూడండి

ప్రధానమంత్రి విశ్వకర్మ యోజన అధికారిక వెబ్సైట్ ఇక్కడ తెరవండి

పూర్తి వివరాలు అధికారిక వెబ్సైట్ లో చదివి ,పూర్తి అవగాహనతో అభివృద్ధి పథం లో నడవాలి

ముఖ్యంగా: PM Vishwakarma పేరుతో వచ్చే అనధికారిక వెబ్‌సైట్లు/ఏజెంట్లకు డబ్బులు చెల్లించకుండా, అధికారిక పోర్టల్ లేదా CSC కేంద్రం ద్వారా మాత్రమే నమోదు చేయడం మంచిది.